I coft a stane o' haslock woo' / The Cardin O't, The Spinnin O't

Robert Burns, 1795

I coft a stane o' haslock woo',
To mak a wab to Johnie o't;
For Johnie is my only jo,
I loe him best of onie yet.
Chorus:
The cardin' o't, the spinnin' o't,
The warpin' o't, the winnin' o't;
When ilka ell cost me a groat,
The tailor staw the lynin' o't.
2. For tho' his locks be lyart grey,
And tho' his brow be beld aboon,
Yet I hae seen him on a day,
The pride of a' the parishen.
Chorus:

Line

| Scottish Songs Index | Home Page Robokopp |Home Page Musica|