Land o' the Leal
Land o' the Leal | |
Carolina Oliphant, (Lady Nairne), 1766-1845
| I'm wearin' awa', John, Like snaw wreaths in thaw, John, I'm wearin' awa' To the land o' the leal. There's nae sorrow there, John, There's neither cauld nor care, John, The day is aye fair In the land o' the leal. | 2. Our bonnie bairn's there, John, She was bairth good and fair, John, And oh ! We grudged her sair To the land o' the leal. But sorrow's sel' wears past, John, And joy's a-comin fast, John, The joy that's aye to last In the land o' the leal. |
| 3. Oh, haud ye leal and true, John, Your day it's wearin' through, John, And I'll welcome you To the land o' the leal. Now fare ye weel, my ain John, This warld's cares are vain, John, We'll meet, and we'll be fain In the land o' the leal. |