My Highland Lassie, O

Line
Melody - "The deuks dang o'er my daddy"
Line

Robert Burns, 1786

Nae gentle dames, tho' e'er sae fair,
Shall ever be my muse's care:
Their titles a' arc empty show;
Gie me my Highland lassie, O.
Chorus:
Within the glen sae bushy, O,
Aboon the plain sae rashy, O,
I set me down wi' right guid will,
To sing my Highland lassie, O.

2. O were yon hills and vallies mine,
Yon palace and yon gardens fine!
The world then the love should know
I bear my Highland Lassie, O.
Chorus:

3. But fickle fortune frowns on me,
And I maun cross the raging sea!
But while my crimson currents flow,
I'll love my Highland lassie, O.
Chorus:

4. Altho' thro' foreign climes I range,
I know her heart will never change,
For her bosom burns with honour's glow,
My faithful Highland lassie, O.
Chorus:

5. For her I'll dare the billow's roar,
For her I'll trace a distant shore,
That Indian wealth may lustre throw
Around my Highland lassie, O.
Chorus:

6. She has my heart, she has my hand,
By secret troth and honour's band!
Till the mortal stroke shall lay me low,
I'm thine, my Highland lassie, O.
Chorus:

7. Farewell the glen sae bushy, O!
Farewell the plain sae rashy, O!
To other lands I now must go,
To sing my Highland lassie, O.
Chorus:

Line

| Scottish Songs Index | Home Page Robokopp |Home Page Musica|
Line