Logan Water

Logan Braes

Line
Melody - "Logan Water", from at least 1726 in Ramsay's Musick
Line

Robert Burns, 1793

O Logan, sweetly didst thou glide
That day I was my Willie's bride,
And years sin syne hae o'er us run
Like Logan to the simmer sun.
But now thy flowery banks appear
Like drumlie winter, dark and drear,
While my dear lad maun face his faes
Farm far frae me and Logan braes.

2. Again the merry month of May
Has made our hills and vallies gay;
The birds rejoice in leafy bowers,
The bees hum round the breathing flowers;
Blythe Morning lifts his rosy eye,
And Evening's tears are tears o' joy:
My soul delightless a' surveys,
While Willie's far frae Logan braes.

3. Within yon milk-white hawthorn bush,
Amang her nestlings sits the thrush:
Her faithfu' mate will share her toil,
Or wi' his song her cares beguile.
But I wi' my sweet nurslings here,
Nae mate to help, nae mate to cheer,
Pass widow'd nights and joyless days,
While Willie's far frae Logan braes.

4. O, wae upon you, Men o' State,
That brethren rouse in deadly hate!
As ye make monie a fond heart mourn,
Sae may it on your heads return!
Ye mindna' mid your cruel joys
The widow's tears, the orphan's cries;
But soon may peace bring happy days,
And Willie hame to Logan braes.


Originally called Logan Braes and slated for publication in Scottish Airs. However, it was deemed too inflammatory for its anti-war message and was not published until 1800 in "Works".

Line
| Scottish Songs Index | Home Page Robokopp |Home Page Musica|
Line