O Sair I Rue the Witless Wish

Line
Melody -
Line

Robert Tannahill

O Sair I rue the witless wish,
That gar'd me gang wi' you at e'en,
And sair I rue tine birken bush,
That screen'd us wi' its leaves sae green.
And though ye vow'd ye wad be mine,
The tear o' grief aye dims my e'e,
For O! I'm fear'd that I may tine
The love that ye ha'e promis'd me!
2. While ithers seek their e'ening sports,
I wander, dowie, a' my lane,
For when I join their glad resorts,
Their daffing gi'es me meikle pain.
Alas ! it was na' sae shortsyne,
When a' my nights were spent wi' glee;
But, O ! I'm fear'd that I may tine
The love that ye ha'e promis'd me.
3. Dear lassie, keep thy heart aboon,
For I ha'e wair'd my winter's fee,
I've coft a bonnie silken gown,
To be a bridal gift for thee.
And sooner shall the hills fa' down,
And mountain-high shall stand the sea
Ere I'd accept a gowden crown,
To change that love I bear for thee.

Line

| Scottish Songs Index | Home Page Robokopp |Home Page Musica|
Line