(Oh) Come a' ye tramps an' hawker lads an' gaitherers o' blaw
That tramps the country roon an' roon, come listen one an' a'
I'll tell to you a rovin' tale o' sechts that I hae seen
Far into the snowy North an' South by Gretna Green.
2. It's oft I've laughed untie mysel' when traivlin' on the road
Two rags roon' my twisted feet; my face as broon's a toad
Wi' lumps o' cake an' tattie scones, wi' cheese an' braxie ham
Ne'er gi'in' a thoucht tae whaur I've been, nor less to whaur I'm guan.
3. I've done my share o' humpin' wi' the dockers on the Clyde
I helped them Buckie trawlers haul the herrin' ower the side
I helped tae build the mechty bridge that spans the busy Forth
An' wi' many Angus fairmers rig I've plood the bonny earth.
4. I'm happy in the simmertime beneath the brecht blue sky
No' thinkin' in the mornin' whaur at necht I'll hae tae lie
In barn or byre or onywhaur oot aman the hay
An if the weather treats me right, I'm happy every day.
5. I'm guan back tae Paddy's Land; I'm makin' up my mind
For Scotland's greatly altered noo I canna raise the wind
But I can trust in Providence an' Providence proves true
I'll sing ye a' o' Erin's Isle when I come back tae you.
6. Come a' ye tramps an' hawker lads an' gaitherers o' blaw
That tramps the country roon an' roon, come listen one an' a'
I'll tell to you a rovin' tale o' sechts that I hae seen
Far into the snowy North an' South by Gretna Green.
| 
