Ó bhí mé oíche taobh istigh Fhéil' Bhríde
A' faire thíos ar a Mhullach Mhor,
Agus tharlaigh an naoi díom a dtug mé gnaoi dí
Mar bhí sí caoghmhaoil, lách álainn óg.
Sí go cinnte a mhearaigh m'intinn
Agus liach na bhFiann ó, ní leigheasfadh mé,
Agus tá mo chroí istigh 'na mhíle píosaí
Mura bhfaighim cead síneadh lena brollach glé'il.
2. A chailín donn deas a chuaigh i gcontúirt,
Orú, druid anall liom agus tabhair domh póg
Agus dá mbíodh mo mhuintir uilig i bhfeirg liom
Nár chuma liomsa a mhíle stór.
A mhíle grá tá cách a rá liom
Gur don ghrá ort a gheobhaidh mé bás,
Agus níl lá margaidh a mbíodh sna Gearaltaigh
Ná bhfaigheann cúfathmhuinneach agus mise ag ól.
3. Is fada 'n lá breá ó thug mé grá duit,
Agus mé 'mo pháiste bheag óg gan chéill
'S gura leatsa shiúlfainnse cnoic 's gleanntáinn,
'S go Baile 'n Teampaill dá mbiodh sé romham.
Ach anois ó tá mise curtha cráite
'S gur lig mé páirt mhór de mo rún le gaoth,
A Rí tá i bParrthgas ó déan domh fárus
I ngleanntáin áilne lena taobh.
|
