Fear gan chéill a rachadh 'gcléibhín Amach i n-éadan a' mhórtais Le h-art a mhéir 's le tréan céasladh Gur chuir sé téad 'gus dol de rópa air. 2. Tharraing 'na dhiadh é go bun a' mhéile 'S cá bhfuil a' té a bheadh 'na dheoidh air Gan a thabhairt do aoinneach 'ár beathaíodh 'n Éirinn Náir fhliuch a ladhar ariamh san ócáid? 3. Más lag nó láidir a' chaill a' t-adhmad Nach maith an áit a chur sa tséipeal A chrochadh i n-áirde os coinn' An Ardrí Le bheith 'guí go bráth ar son na gcréatúr. 4. Dearc, a Mháire, ar na fir a fágadh 'S gan lucht a dtarrthála i nÉirinn Nach gol go cráite ba chóir a dheánamh 'S chan bheith 'gáirí fán éadáil? 5. Dá mbeifeá i nArainn taobh 'stuigh de dhá bhliain Tífeá adhmad saor go leor ann Muic-fheoil shásta 's síoda Spáinneach 'S ba bheag a b'fhearrde do thír mór é. 6. Sé dúirt Naomh Pádraig gur mhíle b'fhearr dúinn Ag tógáil grágáin fríd a' mhóinidh Ná a' tógáil adhmad le h-ordú báillidh 'S a chur in Teampall na Róimhe.