The Five Friends

Melody - "We're a' noddin"

Robert Tannahill

Weel, wha's in the bouroch,
And what is your cheer?
The best that ye'll find
In a thousand year;
Chorus:
And we're a' nodding nid, nid, noddin,
We're a' noddin fu' at e'en.

2. There's our ain Jamie Clark,
Frae the hall of Argyle,
Wi' his leal Scottish heart,
And his kind open smile;
Chorus:

3. There is Will, the gude fallow,
Wha kills a' our care,
Wi' his sang an' his joke
And a mutchkin mair;
Chorus:

4. There is blithe Jamie Barr,
Frae St. Barchan's toun,
When wit gets a kingdom,
He's sure o' the crown;
Chorus:

5. There is Rab, frae the south,
Wi' his fiddle and his flute,
I could list to his strains
Till the starns fa' out;
Chorus:

6. Apollo, for our comfort,
Has furnished the bowl,
And here is my bardship
As blind as an owl;
Chorus:

The "Five Friends" were,--James Clark, who was Tannahill's correspondent; William Stuart; James Barr; R. A. Smith, who set many of Tannahill's works to music; and Tannahill himself.

| Scottish Songs Index | Home Page Robokopp |Home Page Musica|