Unnamed (Composed in Spring)

Melody - "Jockey's Grey Breeks"

Robert Burns, 1786

Again rejoicing Nature sees
Her robe assume its vernal hues:
Her leafy locks wave in the breeze,
All freshly steep'd in morning dews.
Chorus:
And maun I still on Menie doat,
And bear the scorn that's in her e'e?
For it's jet, jet black, an' it's like a hawk,
An' it winna let a body be.

2. In vain to me the cowslips blaw,
In vain to me the vi'lets spring;
In vain to me in glen or shaw,
The mavis and the lintwhite sing.
Chorus:

3. The merry ploughboy cheers his team,
Wi' joy the tentie seedsman stalks;
But life to me's a weary dream,
A dream of ane that never wauks.
Chorus:

4. The wanton coot the water skims,
Amang the reeds the ducklings cry,
The stately swan majestic swims,
And ev'ry thing is blest but I.
Chorus:

5. The sheep-herd steeks his faulding slap,
And o'er the moorlands whistles shill:
Wi' wild, unequal, wand'ring step,
I meet him on the dewy hill.
Chorus:

6. And when the lark, 'tween light and dark,
Blythe waukens by the daisy's side,
And mounts and sings on flittering wings,
A woe-worn ghaist I hameward glide.
Chorus:

7. Come winter, with thine angry howl,
And raging, bend the naked tree;
Thy gloom will soothe my cheerless soul,
When nature all is sad like me!
Chorus:

Line

| Scottish Songs Index | Home Page Robokopp |Home Page Musica|