Gruel

Melody -

Oh there wis a weaver in the north,
And oh but he wis cruel,
For the very first nicht that he wis wad,
|: He sat an he grat for gruel. :|
Oh he couldna want his gruel,
For the very first nicht that he wis wad,
He sat an he grat for gruel.

2. "Oh there's nae a speen in aa the house,
For tae sup your gruel."
"Oh the gairden spad'll dae wi me,
|: For I maun hae ma gruel. :|
Oh I canna want ma gruel;
Oh the gairden spad'll dae wi me,
For I maun hae ma gruel."

3. "Oh there's nae a dish in aa the hoose,
For tae sup your gruel."
"Oh the horse's troch'll dae wi me
|: For I maun hae ma gruel. :|
Oh I canna want ma gruel;
Och! the horse's troch'll dae wi me
For I maun hae ma gruel."

4. She gaed ben the hoose for wine an cakes,
And brocht them ben on a stool,
"Oh gae wa, gae wa wi yer falderals,
|: For I maun hae ma gruel. :|
Oh I canna want ma gruel;
Oh gae wa, gae wa wi yer falderals,
For I maun hae ma gruel."

5. Oh come aa young lassies and listen tae me,
An dinna mairry a weaver,
The very first nicht that he wis wad,
|: He sat an he grat for gruel. :|
Oh he couldna want his gruel;
|: For the very first nicht that he wis wad,
He sat an he grat for gruel. :|

Line

| Scottish Songs Index | Home Page Robokopp |Home Page Musica|