Philly And Willy

Melody - "The Sow's tail to Geordie"

Dialogue song, Robert Burns, 1794

He: O Philly, happy be that day,
When roving thro' the gather'd hay,
My youthfu' heart was stown away,
And by thy charms, my Philly.
She: O Willy, aye I bless the grove
Where first I own'd my maiden love,
Whilst thou did pledge the Powers above,
To be my ain dear Willy.
Refrain (Both):
For a' the joys that gowd can gie,
I dinna care a single flie;
The lad I love's the lad for me,
The lass I love's the lass for me,
And that's my ain dear Willy.
And that's my ain dear Philly.

2. He: As songsters of the early year,
Are ilka day mair sweet to hear,
So ilka day to me mair dear
And charming is my Philly.
She: As on the brier the budding rose,
Still richer breathes and fairer blows,
So in my tender bosom grows
The love I bear my Willy.
Refrain:

3. He: The milder sun and bluer sky
That crown my harvest cares wi' joy,
Were ne'er sae welcome to my eye
As is a sight o' Philly.
She: The little swallow's wanton wing,
Tho' wafting o'er the flowery Spring,
Did ne'er to me sic tidings bring,
As meeting o' my Willy.
Refrain:

4. He: The bee that thro' the sunny hour
Sips nectar in the op'ning flower,
Compar'd wi' my delight is poor,
Upon the lips o' Philly.
She: The woodbine in the dewy weet,
When ev'ning shades in silence meet,
Is nocht sae fragrant or sae sweet
As is a kiss o' Willy.
Refrain:

5. He: Let fortune's wheel at random rin,
And fools may tine and knaves may win;
My thoughts are a' bound up in ane,
And that's my ain dear Philly.
She: What's a' the joys that gowd can gie?
I dinna care a single flie;
The lad I love's the lad for me,
And that's my ain dear Willy.
Refrain:

Line

| Scottish Songs Index | Home Page Robokopp |Home Page Musica|