Ye Wooer Lads What Greet An' Grane

Line
Melody - "Callum Brogach"
Line

Robert Tannahill

Ye wooer lads wha greet an' grane,
Wha preach an' fleech, an' mak' a mane,
An' pine yoursels to skin and bane,
Come a' to Callum Brogach:
I'll learn you here the only art,
To win a bonnie lassie's heart--
Just tip wi' gowd Love's siller dart,
Like dainty Callum Brogach.
2. I ca'd her aye my sonsie dow,
The fairest flower that e'er I knew;
Yet, like a souple spankie grew,
She fled frae Callum Brogach:
But soon's she beard the guinea ring,
She turn'd as I had been a king,
Wi' Tak my hand, or ony thing,
Dear, dainty Callum Brogach.
3. It's gowd can mak' the blind to see.
Can bring respect where nane would be,
And Cupid ne'er shall want his fee
Frae dainty Callum Brogach:
Nae mair wi' greetin' blind your een,
Nae mair wi' sichin' warm the win',
But hire the gettlin for your frien',
Like dainty Callum Brogach.

Line

| Scottish Songs Index | Home Page Robokopp |Home Page Musica|
Line