Cadair Idris

Bûm innau'n rhodianna yn nyffryn Llangollen, Yn dringo y mynydd i Gaer Dinas Brân, Yn edrych i fyny at Gynwyd a Chorwen Tra mynydd Rhiwabon yn deifio gan dân. Mi a welais lân ddyfroedd aberoedd y Berwyn, A da ardal Dowrdu ar aswy a de, Ond mi welais lân fwthyn, nis gwn i beth wedyn, Nis gallwn i weled dim byd ond efe. 2. Disgynnais o'r castell a chroesais yr afon, Fel curai fy nghalon anghofiaf fi byth; Ac fel heb yn wybod i'm traed, ar fy union At dy Jenny Jones ymgyfeiriais yn syth. Ac er bod hi yn eistedd ym mysg ei chwiorydd, A'i thad wrth ei hochor yn siarad â fi, Gyda'i brawd o'r tu arall, nis gwn i mo'r herwydd, Ni allwn i weled neb byw ond hyhi. 3. Yn eglwys Llangollen, tra'r clychau yn canu, Os euthum yn wirion, mi wn pwy a'm gwnaeth, Unasom â'n gilydd, byth byth i wahanu Yn dlawd neu'n gyfoethog, yn well neu yn waeth. Yna da gennyf wybod, 'nenwedig fy hunan, Mae Jenny yn gwybod yn well na myfi, Mae yn dda gennyf ganu, mae'n dda gennyf arian, Ond ni allaf garu dim byd heblaw hi.