The Rigs O' Barley

Line
Melody - "Corn Rigs are bonie"; Seq. by Randy Ralph
Line

Robert Burns, 1783

It was upon a Lammas night
When corn rigs are bonnie, O!
Beneath the moon's unclouded light
I held awa' to Annie, O!
The time flew by wi' tentless heed
Till 'tween the late and early, O!
Wi' smar' persuasion she agreed,
To see me thro' the barley, O!
Chorus:
Corn rigs and barley rigs
Corn rigs are bonnie
I'll ne'er forget that happy night
Amang the rigs wi' Annie, O!

2. The sky was blue, the wind was still
The moon was shining clearly, O!
I set her down wi' right good will
Amang the rigs o' barley, O!
I ken't her heart was a' my ain
I loved her most sincerely, O!
I kissed her owre and owre again
Amang the rigs o' barley, O!
Chorus:

3. I locked her in my fond embrace
Her heart was beating rarely, O!
My blessings on that happy place
Amang the rigs o' barley, O!
But by the moon and stars so bright
That shone that hour so clearly, O!
She aye shall bless that happy night
Amang the rigs o' barley, O!
Chorus:

4. I hae been blythe wi' comrades dear
I hae been merry drinkin', O!
I hae been joyful gath'rin' gear
I hae been happy thinkin', O!
But a' the pleasures e'er I saw
Tho' three times doubl'd fairly, O!
That happy night was worth them a'
Amang the rigs o' barley, O!
Chorus:

Line

| Scottish Songs Index | Home Page Robokopp |Home Page Musica|
Line